Apoy (Part 4/4) By: Migs (From: AsianBearMen)

 

Apoy (Part 4/4)

By: Migs

(From: AsianBearMen)

 

Makalipas ng ilang araw ay muling nagkausap sina Sam at Edward ng makasundo silang mag-jogging isang umaga sa The Fort.

“Tama ka nga Sam. My brother in law is acting so weird lately. Ang dami na niyang binibintang sa akin. Masasakit na ang mga nabitiwan niyang salita sa akin,” ang bungad ni Edward.

“Siguro lilipas din yan. Soon mare-realize niya kung ano ang tama para sa aming dalawa. He's also trying to talk to me again lately. Pero sabi ko nga na mas mabuti pa siguro na huwag muna kami magkita. You know, I love your brother in law. Kaya lang sobra na akong guilty sa ate mo. Sa tuwing magkakaharap kami ay labis-labis ang aking pagpapanggap na ayos lang ako at walang itinatagong lihim sa kaniya,” ang nabanggit naman ni Sam.

“Minsan nga naisip ko na ipagtapat na kay ate ang nalalaman ko. Pero ikaw din ang iniisip ko. Then kapag nalaman niya yun, pati ako damay na din sa gulo. Napaka-complicated ng situation natin sa ngayon,” ang dagdag naman ni Edward.

“Sana nga matapos na itong paghihirap natin,” ang hiling ni Sam.

“I hope so. Pero hindi nangangahulugan na wala na tayong karapatang humanap pa ng makakapagpaligaya sa atin,” ang sabi ni Edward.

“Oo naman,” ang pagsang-ayon ni Sam.

“Pwede bang maging tayo na lang?” ang tanong ni Edward.

“Ano ka ba Edward. Baka mas lalong lumala ang situation kapag magiging tayong dalawa,” ang sabi ni Sam.

“Gusto ko sana patunayan kay bayaw na mahal na mahal kita. At hindi kita gagamitin lamang para sa personal kong ambisyon sa buhay. Dahil kasama ka sa lahat ng pangarap ko at sa lahat ng gusto kong marating sa buhay,” ang pagpupumilit ni Edward.

“Pero baka mas lalong gumulo ang sitwasyo. Hindi natin alam kung ano pa ang kayang gawin ni Lance,” ang pag-aalinlangan ni Sam.

“Ako ng bahala kay bayaw. Alam ko na mahal niya ang pamilya niya at hindi siya gagawa ng ikasisira niya sa kaniyang pamilya,” ang pangako ni Edward.

“Parang mahirap Edward,” ang maikling nabanggit ni Sam.

“Mahirap pero kakayanin natin yun. Huwag kang mag-alala.” ang sabi ni Edward.

Biglang napayakap si Edward kay Sam. Himigpit din ang pagkakayap ni Sam kay Edward. Tanda iyon ng pagsang-ayon ni Sam sa nais mangyari ni Edward. Bumitaw lang sila sa yakapan ng mapansin nila na pinagtitinginan na sila ng mga taong nagdya-jogging din sa lugar.

-----o0o-----

Simula ng araw na iyon ay nanirahan na din sa condo unit ni Edward si Sam. Bago nilisan ni Sam ang kanilang bahay ay humingi muna siya ng pahitulot sa kaniyang mga magulang. Suportado naman siya ng kaniyang mga magulang sa kaniyang naging desisyon. Naging masaya ang dalawa sa unang Linggo ng kanilang pagsasama.

Isang gabi, nag-set ng dinner nila ni Sam si Edward. Hindi ipinaalam ni Edward kay Sam na kasama sa dinner sina Lance at Emily. Kaya nabigla si Sam ng dumating ang mag-asawa sa kanilang dinner.

“Mukhang the best of friends na din kayo ng kapatid ko,” ang unang nabanggit ni Emily ng makalapit na sila sa table nina Sam at Edward at habang kinakamayan si Sam.

“Oo naman mare,” ang nabanggit na lamang ni Sam.

“Hi pare,” ang bati naman ni Sam kay Lance sabay abot ng kamay nito.

“Ayos lang pare. Long time no see pare,” ang sabi naman ni Lance.

“Sige, order muna tayo na makakain natin. Then later ko na sasabihin what's this dinner is all about,” ang sabi naman ni Lance.

“Oo nga. Sabi mo meron kang sasabihing magandang nangyari sa buhay mo. Sa business mo ba yan?” ang tanong naman ni Emily.

“Mamaya na ate. Let's have dinner first,” ang sabi naman ni Lance.

Nag-order sila ng dinner. Habang naghihintay sa pag-serve ng order nila ay nagkwentuhan muna sila. Normal naman si Lance sa kaniyang pakikipag-usap kina Edward at Sam. Paminsan-minsan pa nga ay nakikisama sa tawanan si Lance. Tila wala na kay Lance ang poot na dating ipinadama niya sa bayaw.

Nang matapos na silang kumain ay kumuha ng tyempo si Edward upang sabihin ang nais niyang ipaalam.

“Ate, bayaw, I want you to know na natagpuan ko na ang mamahalin kong tao at makakasama habang-buhay,” ang panimula ni Edward.

“Ha! Grabe ka naman Edward. Bakit hindi mo siya isinama dito para nakilala na din sana namin agad,” ang biglang nabanggit ni Emily.

“Ate, kilalang-kilala mo siya at kasama natin siya now. Si Sam,” ang pag-amin ni Edward.

“Ano! Bading ka ba o nababaliw ka lang? Kaya pala hiniwalayan ka ng asawa mo. Lalaki din ang gusto mo. At si Sam pa,” ang nabanggit ni Emily sa kaniyang pagkakabigla sa narinig mula sa kapatid.

“Ate naman. Mahirap ipaliwanag. Pero bigla ko na lamang naramdaman iyon.” ang sabi na lamang ni Edward,

Halata sa pagmumukha ni Lance na nagpipigil siyang masabi ang nasa loob niya. Si Sam naman ay tila nakaramdam ng pagkahiya kay Emily.

“Ano, pare. Totoo ba itong sinasabi ng kapatid ko? Baka nahihibang lang ito?” ang mga tanong ni Emily.

“Mare, I guess it's time for you to know the real score between us. Yes, it's true.” ang pag-amin ni Sam.

“Oh my gosh, meron pala akong kapatid na bading at kumpareng bading din.” ang medyo napalakas na boses ni Emily.

“Calm down honey. Nasa public place tayo. Maraming ibang tao dito sa restaurant,” ang biglang pagsingit ni Lance sa usapan.

“Pareng Sam, baka pati itong kumpare mo, pinagnasaan mo din? Oh my gosh, ilang taon na kayong magkumpare. Baka may nangyari na din sa inyo?” ang mga tanong pa ni Emily.

“Honey, pwede ba! Huwag mong isipin yun. Hindi ko din alam na ganyan pala si pareng Sam,” ang pagtanggi naman ni Lance.

Napatingin na lamang sina Edward at Sam kay Lance.

“Sana umamin ka pare na ganiyan ka. Baka napagbigyan pa kita,” ang pilit birong binanggit ni Lance.

Hindi naman sumagot si Sam.

“Sa totoo lang pareng Sam. Was there an instance na nagkagusto ka sa asawa ko?” ang tanong ni Emily kay Sam.

“Hindi ko type ang may asawa. Turn-off ako sa kanila,” ang naisipang sabihin na lamang ni Sam.

“Pare naman, kilala mo ako. Hindi ako pumapatol sa kapwa ko lalaki.” ang sabi naman ni Lance.

“Hindi ko din pala type yung masiyadong seryoso sa buhay. Mas ok sa akin ang tulad ni Edward,” ang dagdag pa ni Sam na medyo naiinis din sa nabanggit ni Lance.

“Hay naku magtatalo pa kayo. Pero honey, hindi mo ba nahalata noon pa na ganiyan pala si pareng Sam?” ang tanong naman ni Emily kay Lance.

“Medyo, lalo na noong una kaming sabay naligo pagkatapos ng basketball game namin. Panay sulyap niya sa manoy ko,” ang tugon ni Lance.

“Uy hindi kaya. Kahit maghubad ka sa harapan ko ay hindi kita pagnanasaan,” ang sabi naman ni Sam.

“O sige na nga. Naniniwala na ako. Gusto ko lang makasiguro na di bading itong asawa ko.” ang sabi na lamang ni Emily.

Natawa si Edward sa nabanggit ni Emily.

“Bakit ate, anong gagawin mo ba kung malalaman mong nanlalaki na din si bayaw?” ang tanong ni Edward.

“Mawawalan siya ng asawa at mga anak. Lalayasan namin siya,” ang tugon ni Emily.

“Hindi naman mangyayari yun honey,” ang sabi naman ni Lance.

“Siguraduhin mo lang. Kasi puputulin ko si manoy mo para wala ng makinabang dyan,” ang biro naman ni Emily.

Nagtawanan ang apat. Nagkaroon pa sila ng kwentuhan hanggang sa muling tanungin ni Edward ang ate niya tungkol sa kanila ni Sam. Sumagot na lamang ito na wala naman siyang magagawa kung ganoon nga ang mga pangyayari. Basta susuporta na lamang daw siya sa kapatid sa mga desisyon nito. Hindi nagtagal ay nahiwalay na silang apat. Sa pag-uwi nina Sam at Edward, batid nila na kahit nakisama sa biruan at kwentuhan si Lance ay may poot pa rin siyang kinikimkim sa dalawa.

Matapos ang usapan nilang iyon during a dinner, naging maayos naman ang pagsasama nina Sam at Edward. Iniwasan nilang dalawa ang madalas na makasama ang mag-asawang Lance at Emily dahil nagbabakasakali silang tuluyan ng malimutan ni Lance ang lahat sa pagitan nila ni Sam. Subalit nagkamali pala ang dalawa.

Nag-iisa noon si Sam sa condominium unit ng marinig niya ang door bell. Laking gulat niya ng buksan niya ang pintuan.

“Uy, Lance ikaw pala,” ang sabi na lamang ni Sam na pilit itinago ang pagkakabigla niya ng makita si Lance.

“Kumusta na? Kumusta na kayo ni Edward?” ang mga tanong ni Lance.

“Ayos naman kami. Halika. Pasok ka,” ang tugon ni Sam.

“Sobrang busy yata kayo ni Edward at hindi na kayo napapasiyal sa bahay lately,” ang sambit ni Lance.

“Medyo, Lance. Sumaglit nga kami last week sa China para bisitahin yung isang supplier niya doon. Medyo gumaganda na ang takbo ng negosyo ni Edward,” ang sabi naman ni Sam.

Tila wala ng maitanong o masabi man lamang si Sam. Nakaupo siya sa sopa at nakatigtig kay Sam.

“Gusto mo ba ng juice or beer or anything?” ang tanong ni Sam.

“Beer will be fine,” ang sagot ni Lance.

Kumuha ng isang boteng beer si Sam. Binuksan iyon at iniabot kay Lance.

“Mas mabuti pa kaya dito ka na mag-dinner. Katatawag lang ni Edward. Medyo male-late siya ng uwi kasi personal niyang inaasikaso ang isa sa regular na client nila. Kung sabagay hindi pa naman luto yung bulalo na niluluto ko. Favorite ni Edward yun. Tamang-tama siguro pagdating niya eh luto na din yun,” ang sabi ni Sam.

Nanatiling tahimik pa din si Lance at pinagmamasdan lamang ang bawat kilos ni Sam.

“Is there something wrong Lance?” ang tanong ni Sam.

Parang walang narinig si Lance. Nakatingin pa rin siya kay Sam.

“I'm sorry Sam kung nagkulang man ang pagmamahal ko sa iyo. Kung gusto mo hihiwalayan ko na si Emily. Then magsasama na tayo,” ang biglang bulalas ni Lance.

“What? Nahihibang ka na ba Lance!” ang pagkagulat ni Sam sa nasabi ni Lance.

“Hindi ba ‘yun na lang ang kulang sa atin before. Ang magsama na tayo sa iisang bubong. Katulad ng ginagawa n’yo ni Edward?” ang dugtong pa ni Lance.

“Hindi yun Lance. Nagi-guilty ako kay Emily at sa mga anak mo. Kaya dapat lang na itigil na natin ang namamagitan sa ating dalawa,” ang sabi naman ni Sam.

“Pero I love you Sam and I know deep in your heart ako pa rin ang mahal mo,” ang sambit naman ni Lance.

“Tama na Lance. Ayos na ang sitwasyon natin. Manatili ka na lamang sanang faithful kay Emily. Mas tahimik na ang buhay ko ngayon,” ang pakiusap ni Sam.

“Eh papaano ako. I still love you Sam. I need you. Hindi mo na ba ako mahal?” ang mga tanong ni Lance ng tabihan niya sa pagkakaupo si Sam.

Hindi makasagot si Sam.

“I know and I can still see in your eyes that you still love me,” ang sabi naman ni Lance sabay yapos kay Sam.

Parang kung anong kuryente ang dumaloy sa katawan ni Sam at hindi siya makakilos. Sinimulan siyang halikan sa labi ni Lance. Hindi niya makuhang iiwas ang kaniyang labi. Nagtagumpay si Lance na mahalikan si Sam. Gumanti na din ng halik sa Sam kay Lance. Naging mainit ang mga sumunod nilang ginawa. Ang mainit na halikan nilang iyon ay sinundan ng unti-unti nilang paghuhubad ng lahat ng saplot nila sa katawan. Tila na-miss talaga nila ang isa't isa. Isang mainitang pagtatalik ang sumunod nilang ginawa.

Natigilan lamang sila sa kanilang ginagawang pagtatalik ng maramdaman nilang bumukas ang pintuan.

“What are you doing? Sam! Bayaw! Anong ibig sabihin nito?” ang mga pasigaw na tanong ni Edward matapos niyang isara ang pintuan.

Nagulantang ang dalawa at biglang tumigil sa kanilang pagtatalik. Kapwa hubo't hubad sina Lance at Sam na humarap kay Edward.

“Akala ko tapos na ang lahat sa inyo. You made me believe, Sam. Bakit ganoon?” ang sumbat ni Edward kay Sam.

“I'm sorry Edward. Masiyadong mabilis ang pangyayari. I am really sorry.” ang sabi na lamang ni Sam.

“It was my fault. I forced him to have sex with me. Patawad bayaw pero namimiss ko na rin ang pagtatalik namin ni Sam kaya pinilit ko siya,” ang paliwanag naman ni Lance.

“Ayaw ko ng marinig ang mga paliwanag n’yo. Ginagawa pala ninyo akong tanga. Malay ko ba na hindi lang pala ngayon nangyari ito. Ako naman si gunggong na pinaniwala mo Sam na wala na kayo ni bayaw,” ang muling sumbat ni Edward.

“That's not true Edward. Ngayon lamang nangyari ito. Hindi ko maipaliwanag kung bakit nangyari ito. Pero hindi kita niloloko,” ang paliwanag naman ni Sam.

“Eh anong tawag mo dito. Hindi ba ito panloloko sa akin?” ang dugtong ni Edward.

“I am really sorry Edward,” ang paghingi muli ng tawad ni Sam.

“Bayaw, ako ang may kasalanan. Sa akin ka dapat magalit,” ang sabi naman ni Lance.

“Bullshit! Magsama kayo muling dalawa! Mga manloloko!” ang sigaw ni Edward sabay labas ng condominium unit.

Hindi na nakuhang habulin ni Sam si Edward. Wala pa din siya kasing saplot sa katawan. Hinayaan na lamang niyang umalis si Edward. Napaupo siya sa sopa at nagsimulang tumulo ang kaniyang mga luha.

“Sorry, Sam. It was really my fault,” ang paghingi ng tawad ni Lance kay Sam.

Hindi pa rin nagsalita si Sam. Nagpatuloy lamang ang pagdaloy ng luha mula sa kaniyang mga mata.

“Don't worry Sam. Nandito pa naman ako. Hinding-hindi kita iiwan. Tulad ng nasabi ko kanina, I am willing to leave my family just to be with you.” ang sabi na naman ni Lance.

Biglang napatitig si Sam sa mga mata ni Lance.

“No, Sam. I'd rather be alone than ruin your family. Go home Lance and be a faithful husband again to your wife and a good father to your children. I can't be truly happy with you Lance. May nasasaktan tayo sa ating relasyon.” ang pakiusap ni Sam kay Lance.

“Pero....” may sasabihin pa sana si Lance pero napigilan siyang magsalita ni Sam.

“I already made my decision. Be with your wife and kids. Ayaw ko ng maglaro pa tayo ng apoy. Napapaso na ako. Ayos lang kung ako lang ang mapaso at masaktan. Pero papaano kung si Emily ang masaktan o ang mga anak mo. Ayokong lumaki ang mga anak mo na kinamumuhian ka nila,” ang dugtong pa ni Sam.

Wala ng nagawa si Lance kundi sundin si Sam. Isa-isa niyang pinulot ang kaniyang mga damit at isinuot ang mga yun. Matapos maisaayos ang sarili ay nagpaalam na siya kay Sam.

Nang gabing iyon ay hindi na umuwi sa condominium unit niya si Edward. Balisang-balisa si Sam sa kung saan nagpalipas ng gabi si Edward. Kinaumagahan ay wala pa din si Edward. Kahit anong tawag ni Sam sa celfone ni Edward ay hindi niya ito sinasagot. Batid ni Sam na masama ang loob ni Edward sa kaniya. At sa sandaling panahon na pagsasama nila ay hindi basta-basta napapaliwanagan si Edward para kumbinsihin na baguhin ang kaniyang pananaw. Wala na din alam na paliwanag si Sam upang maibsan ang sama ng loob ni Edward sa kaniya.

Minabuti na lamang ni Sam na lumisan. Nag-impake si Sam ng kaniyang mga damit. Isang maikling liham ang iniwan ni Sam sa condominium unit na nagsasabi lamang na “Thank you for loving me and I'm really sorry. I will always love you.”

 

 

 

-----WAKAS-----