Roommate Romance (Part 2) By: N.D. List

 

Roommate Romance (Part 2)

By: N.D. List

 

This was how it all started.

Unang araw ni Mico sa 5 day training. Dahil hindi particular ang company namin sa accent, ayus na sa amin ang nakapagsasalita ng fluent na English. Pagkatapos ng orientation from HR, may meet and greet muna sa kaniya-kaniyang assigned na Team Leader. Isa si Mico sa mga napunta sa team ko na ikinatuwa ko naman, not because of anything personal, kundi dahil nakikita ko na magiging magaling siyang agent at hindi magiging sakit ng ulo.

Iba ang aura ni Mico ngayon dahil naka-casual na damit lang siya. Naka-Gap na polo shirt, jeans na hindi kita ang brand at K-Swiss na sapatos. Pero hindi pa rin maitatanggi ang pagiging anak-mayaman dahil sa kakinisan ng balat. Kung kahapon ay mukha siyang artista sa pormal niyang damit, ngayon naman ay mukhang siyang teenager pero napaka=aliwalas ng mukha. Palangiti kasi siya at para bang anghel na walang masamang buto sa katawan.

Magkahalong excitement at kaba ang nararamdaman ng mga bagong agents. Ipinaliwanag ko sa kanila ang expectations ng company from them, gayun din ang expectations ko. Very light lang ang discussion. As much as possible gusto kong maging komportable ang mga agents ko sa akin at sa company para mas madaling mag build sa kanila ng rapport. Sinabi ko sa kanila na mas preferred kong maging open sila sa akin at sabihin kaagad nila kung may problema, kahit anong.

Pagkatapos ng shift ay nagsiuwian na lahat ng ka-shift ko. I stayed in the office for about 15 minutes dahil may mga tinutulungan akong Call Center Manager ng cluster ko para sa mga proposals namin na ide-deliver within that week. Kahit hindi ko trabaho, tumutulong na din ako sa kaniya dahil madami din naman akong natututunan.

Pagpunta ko sa locker ko pagka-tapos, nagulat ako nung makita ko si Mico na andun pa din at kausap ang guard.

"O Mico, bakit andyan ka pa. Hindi ka pa ba uuwi?"

"Wala po kasi akong dalang sasakyan ngayon TL. Inaantay ko yung text ng kuya ko. Sasabay ako sa kaniya pauwi kasi may ka-meeting po daw siya sa bandang Shaw."

"Sa Bulacan ka pa ba umuuwi?" Naalala ko na sinabi niyang sa Malolos, Bulacan ang bahay ng kuya niya kung saan siya nakatira.

"Wala pa kasi akong mahanap ng boarding house or room for rent, TL. Baka may alam ka. Patulong naman ako,"

Nakita ko ang mukha niya na problemadong-problemado, dahil wala pa siyang titirhang malapit.

“Nagrerent ako ng studio type na apartment 10-minute drive away dito sa office. Magkatabi kami ng unit ni Jael, yung matangkad na TL na naka stripes na red kanina. Pero magkaiba kami ng unit na inuupahan. Kaso may ka-roommate na kasi siya. Pero yung dalawang kwarto sa baba namin pinabe-bed space nung may-ari. Try mo."

"Talaga? Ayus! Sana may bakante. Uuwi ka na ba, TL? Pwede bang tingnan ko na ngayon? Te-text ko si kuya na dun na lang niya ako sunduin," excited niyang sabi.

"Pwede din. Kuya Jov, pakisabi sa shuttle, pahatid na ako. Wala naman yata na siyang ihahatid," sabi ko sa guard.

Pagdating namin sa boarding house, itinuro ko sa kaniya yung mga kwarto na pinapa-bed space sa baba. Sinabi ng katiwala na may binili lang daw sa labas yung may-ari na nakatira lang sa kabilang bahay kaya inaya ko muna siyang umakyat para ipakita ang kwarto ko at yung kwarto nina Jepoy at Jael.

Bukas ang pinto nina Jael at nakita namin siyang naggigitara at walang damit. Maganda ang katawan ni Jael. Maputi din siya at mahilig mag-ayus ng katawan. Kung titingnan mo siya ay wala sa hitsura niya ang naglalagay ng kung ano-ano sa mukha at lotion sa katawan pero banidosong tao din siya. Tipikal na alpha male kasi ang dating niya at walang bahid ng kalamyaan sa katawan. 26 years old na siya. Mas matanda ako sa kaniya nang apat na taon. Binati ko siya at lumabas siya nung nakita niya kami.

"Pare mukhang nag-O-T-Y ka nanaman ah," bungad ni Jael sabay tawa.

"Oo, tinapos ko lang yung report ni Cho. Darating si Thomas Keller sa lunes ‘di ba?"

"Ayus yan. Pasok na pasok ka na sa promotion niyan pag kailangan na ng additional CCM," ani Jael, sabay tawa.

"Wala yata sa Jepoy? Pumasok?" tanong ko.

"Wala, nagsine na naman siguro ‘yon. Hindi siya naka uniform eh."

"Ay, nga pala Ja, si Mico, isa sa mga bagong agents natin. Alam mo ba kung may bakante pa sa bed space sa baba?'

Nakipagkamay si Mico kay Jael. Natawa ako. "Hayup sa handshake ha parang politiko. Pormal na pormal," sabi ko.

Napa-ngiti si Mico na may halong pagkapahiya. Tumawa si Jael.

"Oo kilala ko siya. Puta kinikilig yung mga babae sa team ko sa kaniya. Basang-basa siguro ang mga panty nila pag nakikita ka nila Mico," ani Jael.

 Nagtawanan kami ng malakas ni Jael habang namumula naman ang mukha nito, pero nakangiti naman.

"Bihis lang ako Mico. Maupo ka muna dyan habang hinihintay yung may ari. Pabalik na siguro yon. O kung gusto mo pasok ka dito para makita mo ang kwarto ko. May iced tea ako sa ref. Medyo magulo nga lang ang kwarto ko ng konti."

Pumasok ako sa apartment ko at sumunod naman siya. Maluwang at convenient naman ang mga unit namin ni Jael. Dalawa yung higaan sa unit ko. Isang double bed na gamit ko saka isang single na extra na pinaglalagyan ko lang ng mga bag at kung ano-ano. Naupo siya sa isang kama habang iniinom ang iced tea na binigay ko. Ako naman ay pumasok na sa banyo para magpalit ng damit. Lumabas ako ng banyo ng walang damit at naka shorts na pambahay. Mukhang nagulat si Mico ng makita niya ang katawan ko. Halos anim na buwan din kasi kaming regular na na nagwo-work out ni Jael bago magsara yung Gym na malapit lang sa apartment namin.

Hindi naman sa pagmamayabang, maganda ang katawan ni Jael pero mas maganda ang hubog ng katawan ko sa kaniya. Nagulat siguro si Mico dahil wala sa hitsura ko ang may ganong hubog ng katawan. Pormal kasi akong magdamit sa office at bumo-border sa pormang teacher. Pero hindi naman ako baduy magdamit.

"TL, parang puro kayo mga model ng Bench dito ah. Ganun ba lahat ng TL sa company natin? Nagta-transform pagdating sa bahay?" Tawanan kami.

"Bakla kasi yung may-ari nito. Requirement niya yung ganito ang katawan bago niya tanggapin," Tawanan pa din kami.

"Dapat pala TL sama n’yo ako kung san man kayo bumibili ng abs na ganiyan."

Tumigil kami sa pagtawa nung may kumatok sa pinto. Si ate Karla, yung may ari ng bahay. Sinabi namin sa kaniya na naghahanap ng matitirhan si Mico pero unfortunately eh wala na daw available sa baba. Meron daw isa na 2 months pa daw baga matapos ang contract niya sa trabaho niya kaya doon pa lang magkaka-bakante. Pagkapaalam ni ate Karla, nakita na lumungkot ang mukha ni Mico.

"’Di bale, madami namang boarding house sa street na 'to. Samahan kita bukas pag walang overtime," sabi ko.

Napaisip si Mico. "TL, ikaw nga pala, nasan ang roommate mo? Sino ang natutulog dito?" ani Mico na itinuro ang kamang kinauupuan niya.

"Ako lang mag-isa dito. Pero minsan, pag gabi, may nakikita akong nakahiga diyan na matandang babae. Pero hindi natutulog at nakatingin lang siya sa akin magdamag. Tahimik siya at namamaga ang kaniyang mukha."

"Putangina!"

Napatayo siya ng mabilis. Ako naman ay hagalpak lang ng tawa. Naupo siya sa kabilang kama. Matatakutin pala siya sa mga multo.

"Sama na lang ako sa iyo dito TL. Mabait naman ako. Wala din akong bisyo. Malinis naman ako sa katawan at sa bahay. Hati tayo sa renta. Para tipid."

"Naku, mas gusto ko kasi yung mag-isa. Yung wala masiyadong inaalala."

Hindi na siya nagpilit. Nahiya din siguro. Pero nakita kong hinayang na hinayang siya. Tumunog ang cellphone niya at binasa niya ang text Tumayo siya at nagpaalam na dahil nasa baba na daw ang kuya niya. Malungkot pa rin ang mukha.

Si Mico yung tipo ng bata na dahil napakaamo ng mukha ay napakahirap niyang tanggihan. Medyo nag-alala din ako para sa kaniya. Siya yung tipo ng tao na dahil napaka-inosente ng mukha ay parang lapitin ng mga taong manloloko. Lalo na sa Makati.

"Kung gusto mo pwede ka dito for a few days habang naghahanap ka pa ng magandang room na mauupahan. Tapos tulungan na lang kitang maghanap after work."

"Yessss!"

Lumiwanag ang mukha niya at parang mapapatalun pa sa tuwa. Parang akmang yayakapin pa niya ko pero bigla siyang nahiya at napa-palakpak na lang siya ng isang beses ng malakas.

"TL, kung okay lang sayo pwede ba start na ako ngayon araw na dito matulog? Nakaready na kasi ang mga gamit ko kung sakaling makahanap ako ng malilipatan. Kukunin ko na lang dun sa kotse".

"Hahaha! Tangina ang lupit mo ah. Seryoso ka ba?"

"Oo, TL. Ang hirap kasi mag-byahe pa Bulacan kaya ni-ready ko na lahat. Kahit yung pambayad ko ready na TL. Sige na please. Wala pa nga ako masiyadong tulog."

"Ayus ah!" Napapailing na lang ako at natatawa sa mga pangyayari. Napatango na lang ako at hindi alam ang sasabihin. "Aaahhhh... hhmm... okay."

Pagkatapos nun ay inaya ako ni Mico na sumama sa kanila na kumain muna para na rin daw makilala ko ang kuya niya. Hindi na din ako tumanggi. Magaan naman ang loob ko sa kaniya at masaya naman siyang kasama dahil mabiro din.

Bigla akong nagdalawang isip nung pababa na kami at papunta sa kotse nila. Magkapareho din kaya sila ng ugali ng kuya niya? Makakasundo ko din kaya siya?

 

 

Itutuloy-----